Areglo Aña pa Conmemoracion di Pasado di Sclavitud
Bon Bini. Riba e pagina aki nos ta conta bo mas tocante e Fondo pa Participacion Cultural, tocante e regla pa e Aña di Conmemoracion di Historia di Sclavitud y con bo aplica pa bo proyecto serca nos!
Actualisacion 30 di april | E Fondo a dicidi pa, debido na gran interes, extende e reglamento Aña di Conmemoracion di Historia di Sclavitud te cu 2 di september 2024. Tin suficiente presupuesto ainda pa entrega un aplicacion. E actividadnan di bo proyecto ta tuma luga te cu 31 di december 2024? Si esaki ta e caso, bo tambe por aplica. Bo ta interesa pa sa si bo proyecto ta cualifica? Tuma contacto cu un di e conseheronan o exploradonan via e detayenan di contacto riba e pagina aki.
Read this scheme in English, Dutch or Papiamento here.
Kiko e Fondo pa Participacion Cultural ta haci?
Como un Fondo di Cultura di Reino, ta nos mision pa haci arte y cultura accesibel pa tur hende den Reino Hulandes. Esaki ta inclui Hulanda, Aruba, Boneiro, Corsou, Sint Maarten, Sint Eustatius y Saba. Nos ta haci esaki dor di contribui di forma financiero na proyectonan y iniciativanan cu ta stimula participacion cultural di participantenan.
Tocante e regla di Aña di Conmemoracion di Historia di Sclavitud
E Fondo pa Participacion Cultural tin un regla adicional vigente for di 1 di juli 2023 te ku 2 di sèptèmber 2024. E areglo aki ta pa aktividatnan i inisiativanan ku ta kontribuí na konmemorá i selebrá abolishon di sklabitut i/o ku por duna un kontribushon na konosementu i sensibilidat di pasado di sklabitut i su impakto den presente.
Splicacion
Riba 1 di juli 2023 tabata 150 aña pasa cu e sclavitud a ser aboli pa lei na Surinam y e islanan di Caribe, cu na e momento tabata colonianan di e Reino Hulandes. E pasado di sclavitud ta un parti doloroso, importante y te recientemente subestima di nos historia comparti. For di 1 di juli 2023 te cu 1 di juli 2024, atencion extra ta ser dedica na esaki den henter e Reino durante e Aña di Conmemoracion di Historia di Sclavitud. Mas informacion tokante e Aña di Conmemoracion bo por lesa aki.
Pa ken?
Pa e proyectonan cu ta ser apoya, tin un condicion cu e comunidad(nan) mes mester ta e solicitante principal. Ta importante cu nan tin algo di bisa tocante e diseño, organisacion y implementacion di e proyecto. Nan ta tuma e iniciativa den e implementacion. E solicitante tambe por colabora cu, por ehempel, organisacionnan cultural, institucionnan cultural o institucionnan educativo. Esaki tambe por ta un colaboracion cu un organisacion den exterior via, por ehempel, reunionnan online, via un rapport o intercambio y e aplicacion di formanan di colaboracion entre e distinto organisacionnan.
Inspiracion
Varios proyecto ya a haya sosten di nos parti. Asina Baba Awokose ta amplia conocemento y conscientisacion tokante e pasado di sclavitud di Corsou cu baile, musica y ritualnan. Durante Indian History Month x Keti Koti Maand, mesanan di dialogo y podcast ta crea conexion entre dos comunidad cu a separa dor di e pasado di sclavitud y colonial. E proyecto No Reparations without Education ta organisa entre otro charlanan, sesionnan di dialogo, encuentronan rond di mesa y sesionnan di sanacion pa saca e topico di 'reparations' o sea pagamento di reparacion for di e esfera di tabu. I fundacion Caribbean Angels ta organisa durante e aña di conmemoracion seis encuentro tematico pa publico y alumnonan di scolnan Hulandes den Den Haag. Esaki nan ta inclui, entre otro, Ocho Dia, un ritual di entiero di Corsou en honor di e antepasadonan, un cafe literario rond di e luchado pa libertad Tula y un presentacion di hoben Antiano tokante nan identidad.
Cla pa haci un aplicacion? Bo mester lesa e informacion aki sin falta!
Bo por haci un peticion pa subsidio pa proyectonan cu ta duna contribucion na un of mas di e siguiente efectonan:
Efecto a: yega na gruponan di obhetivo nobo;
Efecto b: construi conexionnan duradero o rednan di comunidadnan;
Efecto c: participantenan ta desaroya varios perspectiva tocante e historia di sclavitud;
Efecto d: participantenan ta husa e conocemento tocante sclavitud como fuente di material pa experimenta e cultura;
Efecto e: comunidadnan ta aumenta nan auto-suficiencia;
Efecto f: promove e proceso di curacion di parti di e participantenan di e comunidadnan
Dependiendo di e cantidad di efectonan na cua un proyecto ta contribui, por haci peticion pa subsidio den tres categoria. Pa locual ta trata e categorianan, lo siguiente ta aplicabel:
- proyectonan di categoria 1 tin como obhetivo por lo menos un efecto, e altura di e subsidio ta di por lo menos € 1,000 y como maximo € 5,000 €;
- proyectonan di categoria 2 tin como obhetivo por lo menos dos efecto, e altura di e subsidio ta mas cu € 5,000 y menos cu € 25,000 €;
- proyectonan di categoria 3 tin como obhetivo por lo menos tres efecto, e altura di e subsidio ta di por lo menos € 25,000 y como maximo € 50,000 €;
Subsidio ta ser otorga solamente si e esun cu ta aplica por demostra cu e proyecto por ser ehecuta cu e medionan financiero disponibel.
E solicitantenan cu sede na e parti Oropeo di Hulanda por ser compensa pa e costo total di e proyecto:
- proyectonan di categoria 1: maximo 100%;
- proyectonan di categoria 2: maximo 100%;
- proyectonan di categoria 3: maximo 90%;
Pa tur categoria ta conta cu por destina un maximo di 10% di e subsidio di e Fondo pa inversionnan material rekeri pa e proyecto.
Solicitantenan cu sede na e parti Caribense di Reino por ser compensa pa e costo total di e proyecto:
- proyectonan di categoria 1: maximo 100%;
- proyectonan di categoria 2: maximo 100%;
- proyectonan di categoria 3: maximo 100%;
Pa tur categoria ta conta cu por destina un maximo di 20% di e subsidio di e Fondo pa inversionnan material rekeri pa e proyecto.
Haci peticion pa un subsidio ta ser evalua a base di e siguiente criterionan:
- Calidad sustantivo di e proyecto den relacion cu e proposito di e areglo;
- Calidad di organisacion.
Solamente e peticionnan cu cumpli cu tur dos criterio di evaluacion ta eligibel pa financiamento.
E proceso di peticion pa subsidio por ser haya na Fonds voor Cultuurparticipatie na Hulandes. Bo ta haci bo peticion por escrito na Hulandes. Bo ta biba den e parti Caribense di Reino Hulandes, ta posibel skirbi peticionnan na Papiamentu y Papiamento, y laga traduci esaki prome cu entrega e peticion. Bo tin pregunta tocante esakinan? Pa esaki, tuma contacto cu un di e conseheronan di subsidio.
E peticion di subsidio mester ser haci na Hulandes of na Ingles. Tur e comunicacionnan (automatico) for di e Fondo ta na Hulandes. Bo por entrega un peticion pa traduccion di bo peticion pa subsidio cerca nos Conseho! Cuminsa busca un traductor certifica mientras bo ta warda e confirmacion di e peticion. Bo ta manda e peticion pa traduccion aki pa nos den Hulandes of Ingles.
Si bo cuenta di Mijn Fonds a ser activa, bo por manda un peticion pa traduccion. Bo por haci esaki di e siguiente manera:
- Manda un peticion pa traduccion via email pa mijnfonds@cultuurparticipatie.nl, na Hulandes of na Ingles.
- Un colaborado di e agencia ta controla bo peticion.
- Via un email di confirmacion di un colaborado di agencia, e Fondo ta duna su aprobacion riba bo peticion pa traduccion.
- Ta añadi e peticion den bo archivo. E traduccion mester ser realisa mas pronto posibel debi na e tempo di procesamento di 8 siman.
- E solicitante ta laga traduci e peticion di subsidio dor di un traductor certifica.
- E traductor ta factura e Fondo cu e email di confirmacion añadi, via facturen@cultuurparticipatie.nl
- E factura di e traductor ta ser paga directamente pa e Fondo.
Si ainda bo no tin un cuenta di Mijn Fonds, bo mester haci peticion pa esaki prome cu bo por haci un peticion pa un subsidio. Peticion pa un cuenta di Mijn Fonds mester ser haci na Hulandes. E procesamento di bo peticion por dura te cu 5 dia laboral. Bo por haci esaki di e siguiente manera:
- Bay na e pagina di Mijn Fonds
- Scoge abou di 'Ik heb nog geen account' [Ainda mi no tin un cuenta], e opcion di cuenta cu miho ta pas cu bo o bo organisacion:
Traduci pa e imagen:
- Ainda mi no tin un kuenta
- Cuenta pa un zzp'er, un institucion cultural o un institucion di dominio social: Crea un cuenta
- Cuenta pa un institucion educativo: Crea un cuenta
- Cuenta pa un persona priva o un individuo (cu no ta zzp'ers.): Crea un cuenta
Wak e diferente formularionan cu e traduccionnan riba e pagina di Mijn Fonds. Asina aki bo por mira cual ta cosnan cu bo mester yena na cada luga.
A lesa suficiente?
Y bo ta cla pa realmente haci un aplicacion? Bay pa e pagina general di subsidio via e boton abou. Riba e pagina ey bo ta haya tip y diferente archivonan cu por yuda bo cu e proceso di aplicacion.
Webinar
Recientemente nos a organisa un webinar caminda nos ta trata e regla aki na un manera corto. Mira e webinar bek abou (na Ingles).
Mas informacion y contacto
Bo ke sa mas tocante e regla aki o bo tin pregunta specifico tokante bo proyecto? Tuma contacto e ora ey cu nos conseheronan di subsidio, of manda un email pa herdenkingsjaar@cultuurparticipatie.nl.
