Aña pa Konmemorashon di Pasado di Sklabitut: 2 mion euro di supsidio disponibel

Durante e Aña pa Konmemorashon di Pasado di Sklabitut – ku ta kana di 1 di yüli 2023 te 1 di yüli 2024 – lo dediká pa un aña largu èkstra atenshon na un parti importante i doloroso di nos historia i na kual te ku resien a duna tiki atenshon. Den kuadro di esaki Gobièrnu di Reino ta pone 2 mion euro disponibel pa aktividatnan i inisiativanan ku ta kontribuí na konmemorá i selebrá abolishon di sklabitut den Reino.

Via dos areglo di supsidio organisashonnan òf individuonan ku ideanan (sea ku ta den grupo òf no) por organisá aktividatnan sosial i/òf kultural pa konmemorá e pasado di sklabitut i pa ampliá i kompartí konosementu di e pasado ei.

Pa loke ta trata e areglo di supsidio di Fonds voor Cultuurparticipatie e enfoke ta riba aktividatnan kaminda e partisipantenan ta enbolbí aktivamente. E supsidio ta pa inisiativanan den kua partinan di e historia i sklabitut ta bini dilanti, material di edukashon ta wòrdu kreá, prosesonan di sanashon ta wòrdu stimulá, òf kolaborashon (internashonal) entre institushonnan ta wòrdu habrí. Di e manera aki e Fondo ke engrandesé konosementu, konsiensia i visibilidat di e pasado di sklabitut pa siguiente generashonnan tambe.

Mas o ménos den mitar di yanüari 2023 e areglo di supsidio ta habri, i pa esaki lo tin 1 mion euro disponibel. Mondriaan Fonds ta habri un areglo di supsidio den novèmber 2022 pa e otro 1 mion, kaminda e enfoke lo ta riba aktividatnan kaminda ta risibí hende manera presentashonnan, eksposishonnan i presentashonnan.