2 mion èkstra disponibel pa Aña pa Konmemorashon di Pasado di Sklabitut

Entrante próksimo luna lo tin 2 mion èkstra supsidio disponibel pa sostené e aña konmemorativo di e pasado di sklabitut. Ku e supsidio èkstra akí nos Fondo ta spera di por sostené mas proyekto ku ta hasi e aña di konmemorashon mas signifikante. Te na e momentu akí a aprobá 38 proyekto kaba pa un suma total di € 1.807.771,-. 

E supsidio èkstra akí ta duna un oportunidat úniko pa organisashonnan i individuonan envolví den konmemorashon di e pasado di sklabitut pa oumentá nan impakto i desaroyá inisiativanan signifikante. Bo ta interesá den nos areglo i bo ke mas informashon? Bishitá nos página di supsidio.  

Prosedura di petishon

Tur informashon relevante relashoná ku e petishon pa supsidio, inkluyendo formularionan di petishon, instrukshonnan i fechanan final, pronto lo ta disponibel riba e página di supsidio.

Nos ta invitá tur esnan ku ta interesá pa entregá un petishon pa supsidio pa bishita nos wèpsait regularmente pa último informashonnan.  

Nos ta ansioso pa wak e petishonnan kreativo i signifikante i proyektonan bunita den e aña pa konmemorashon di pasado di sklabitut. 

Pa pregunta òf mas informashon, bo por tuma kontakto ku nos.