Regulacion di subsidio pa Aña di Recordatorio di Historia di Sclavitud a ser sobrepasa

Recientemente nos a anuncia cu e regulacion di subsidio pa Aña di Recordatorio di Historia di Sclavitud a wordo prolonga te na 2 di september 2025. Na es momento aki tabatin hopi presupuesto disponibel. Sinembargo, den e simananan aki nos a ricibi un cantidad grandi di solicitud nobo. Na e momento aki tin 86 solicitud den proceso pa un suma di €1.940.293; tin ainda €560.308 pa reparti. Pa e motibo aki, e presupuesto pa e parti Europeo di Reino a ser sobrepasa.

Nos ta lamenta pa tin cu bisa cu nos no por tuma niun solicitud nobo pa e e Aña di Recordatorio di Historia di Sclavitud for di e parti Europeo di Reino. Nos ta spera cu e presupuesto disponibel no ta suficiente pa honra tur solicitud cu a yega. Pues, por ta cu algun solicitud no lo por wordo tuma den consideracion. E solicitudnan existente cu a wordo manda prome cu 30 di mei, ainda lo mester wordo tratá segun e ordo di yegada.

E parti di e presupuesto destina specificamente pa e parti Caribense di Reino no a yega su blafon di subsidio ainda. Iniciativanan for di e parti Caribense di Reino (Aruba, Boneiro, Corsou, Sint Maarten, St. Eustatius y Saba) ainda por sigui manda solicitud.

Nos ta lamenta cu nos no tin noticia positivo pa e iniciativa cu a tuma na consideracion cu e prolongacion di e Aña di Recordatorio y ya tabata ocupa cu nan solicitud. Si bo ke haya mas informacion, por tuma contacto cu e Team di Aña di Recordatorio via herdenkingsjaar@cultuurparticipatie.nl of via e dato abou.