Areglo Aña pa Konmemorashon di Pasado di Sklabitut prolongá te ku 2 di sèptèmber 2024

Durante e Aña pa Konmemorashon di Pasado di Sklabitut, for di 1 di yüli 2023 te ku 1 di yüli 2024, lo dediká èkstra atenshon na e pasado di sklabitut. Ademas di e aña akí, Fonds voor Cultuurparticipatie tin un areglo pa proyektonan ku ta kontribuí na konmemorashon, selebrashon i oumentashon di konsientisashon tokante abolishon di sklabitut i su impakto riba e presente. Pa motibu di interes grandi, e areglo Aña pa Konmemorashon di Pasado di Sklabitut a keda prolongá ku un aña te ku 2 di sèptèmber 2024. 

Bo tin ideanan pa un proyekto bunita? Òf anteriormente bo a hasi petishon pa supsidio pa por ehèmpel organisá un enkuentro di Keti Koti i bo lo ke ehekutá e proyekto un biaha mas? Esei tambe ta posibel. Wak aki e página speshal i hasi un petishon pa un kontribushon finansiero.  

Pa ken? 

E areglo akí ta sostené proyektonan ku aktivamente ta envolví hende i ta pone énfasis riba partinan di e historia i sklabitut, ta krea material di edukashon, ta stimulá prosesonan di sanashon, òf ta establesé kolaborashon (internashonal) entre institushonnan. Ta importante pa e personanan ku hasi petishon tin un konekshon ku e pasado di sklabitut i ku nan mes tin mando den e proyekto. Nan ta disidí kon e proyekto ta i kon e ta wòrdu ehekutá. Tambe nan por traha huntu ku, por ehèmpel, museonan, skolnan òf asta ku un organisashon den un otro pais. 

Mas informashon i kontakto 

Bo tin pregunta tokante si bo proyekto ta bini na remarke? Sinti bo liber pa tuma kontakto ku un di nos koleganan òf un di e eksploradónan na e islanan di Boneiru, Kòrsou, St. Maarten i Saba/St. Eustatius. Bo por hasi bo pregunta tambe durante nos seshon di informashon online (na ingles) dia 6 di yüni na unda nos lo informá bo tokante e areglo i e proseso di petishon.