Areglo Aña pa Conmemoracion di Pasado di Sclavitud prolonga te cu 2 di september 2024
Durante e Aña pa Conmemoracion di Pasado di Sclavitud di 1 di juli 2023 te 1 di juli 2024 lo dedica mas atencion na e pasado di sclavitud. E Fondo pa Participacion Cultural a introduci un regulacion adicional e aña aki pa proyectonan cu ta contribui na e conmemoracion, celebracion y expansion di consciencia tocante e abolicion di sclavitud y su impacto riba e presente. Debido na gran interes, e areglo di Aña di Conmemoracion di Historia di Sclavitud a keda extende cu un aña te cu 2 di september 2024.
Bo tin ideanan pa un proyecto bunita? O ya bo a aplica anteriormente pa subsidio pa por ehempel organisa un encuentro di Keti Koti y bo ke realisa e proyecto atrobe? Esaki tambe ta posibel. Tira un bista na e pagina special y haci un aplicacion pa un contribucion financiero.
Pa ken?
E areglo aki ta sostene proyectonan caminda hendenan ta activo den iniciativanan den cua ta destaca partinan di historia y sclavitud, ta crea material educativo, stimula procesonan de curacion o ta establece un cooperacion (internacional) entre institucionnan. Ta importante cu e personanan cu tin un conexion cu e pasado di sclavitud ta esnan cu ta aplica y ta tuma liderazgo den e proyecto mes. Nan ta dicidi con e proyecto lo ta y con e ta ser ehecuta. Tambe nan por colabora cu por ehempel museonan, scolnan o hasta cu un organisacion den un otro pais.
Mas informacion y contacto
Bo tin pregunta tocante si bo proyecto ta cualifica? Sinti bo liber pa tuma contacto cu un di nos coleganan o un di e exploradonan na e islanan Bonaire, Curaçao, Sint Maarten, y Saba/St. Eustatius. Tambe bo por haci bo preguntanan durante nos sesion informativo online (na Ingles) riba 6 di juni caminda nos lo informa bo tocante e areglo y e proceso di aplicacion.