Petishon pa ku Areglo di Supsidio di Aña pa Konmemorashon di Pasado di Sklabitut surpasá

Resientemente nos a anunsiá ku e areglo di supsidio pa Aña pa Konmemorashon di Pasado di Sklabitut a keda prolongá te ku 2 di sèptèmber 2025. Na e momentu ei a resultá di tin mas ku sufisiente presupuesto disponibel ainda. Sinembargo den e último simannan nos a risibí un kantidat grandi di petishonnan nobo. Aktualmente tin 86 petishon pendiente pa un montante di € 1.940.293; ainda tin € 560.308 pa distribuí. Pa e motibu akí e presupuesto pa e parti europeo di Reino a keda surpasá.

Ta duel nos di mester informá ku lamentablemente nos no por trata petishonnan nobo for di e parti europeo di Reino pa e Aña pa Konmemorashon di Pasado di Sklabitut. Nos ta premirá ku e presupuesto disponibel no ta sufisiente pa honra tur e petishonnan ku a risibí. P'esei por sosodé ku tòg no por trata algun petishon. Petishonnan eksistente entregá promé ku 30 di mei ta keda tratá den sekuensia ku a risibí nan.

E parti di e presupuesto spesífikamente pa e parti karibense di Reino te ainda no a alkansá e límite di supsidio. Inisiativanan di e parti karibense di Reino (Aruba, Boneiru, Kòrsou, Sint Maarten, Sint Eustatius i Saba) sí por entregá un petishon ainda.

Ta duel nos ku nos no tin notisia positivo pa e inisiativanan ku a tene kuenta ku e ekstenshon di e Aña pa Konmemorashon i ku ya tabata trahando riba nan petishon. Si bo ke mas splikashon, tuma kontakto ku e Tim di Aña pa Konmemorashon via herdenkingsjaar@cultuurparticipatie.nl òf via e datonan aki bou.